മാതൃവേദി സംഗമം – 2019

വരാപ്പുഴ അതിരൂപത മാതൃവേദി സംഗമം 2019 മെയ് 11-ാം തിയതി ശനിയാഴ്ച രാവിലെ 10 മണിക്ക് ആശിര്‍ഭവനില്‍ വച്ച് ശ്രീമതി ജൂലിയറ്റ് ഡാനിയേലിന്റെ ക്ലാസ്സോടുകൂടി ആരംഭിച്ചു. 11.30ന് പൊതുയോഗത്തിനെത്തിയ അഭിവന്ദ്യ ജോസഫ് കളത്തിപ്പറമ്പില്‍പിതാവിനെ മാതൃവേദി അംഗങ്ങള്‍ സ്വീകരിച്ചു. ഫാമിലി കമ്മീഷന്‍ ഡയറക്ടര്‍ റവ. ഫാ.ആന്റെണി കോച്ചേരി സ്വാഗതം ആശംസിക്കുകയും സെക്രട്ടറി റിപ്പോര്‍ട്ട് അവതരിപ്പിക്കുകയും ചെയ്തു.

പിതാവ് തന്റെ ഉദ്ഘാടന പ്രസംഗത്തില്‍ എല്ലാ മാതാക്കളും ജീവന്റെ സംരക്ഷകരാകേണ്ടവരാണെന്നും ജീവന്റെ സ്വാഭാവിക ആരംഭം മുതല്‍ സ്വാഭാവിക അന്ത്യം വരെ ജീവന്‍ സംരക്ഷി ക്കപ്പെടുകയെന്നതാണ് ദൈവികപദ്ധതിയെന്ന്ഉദ്‌ബോധിപ്പിച്ചു. പിതാവ് വൃദ്ധസദനങ്ങള്‍ സന്ദര്‍ശിച്ച അവസരത്തില്‍ മാതാപിതാക്കള്‍ കുടുംബത്തില്‍ പ്രകാശിപ്പിച്ച സ്‌നേഹത്തിന്റെയും കരുതലിന്റെയും വാത്സല്യത്തിന്റെയും സംതൃപ്തിയുടെ പ്രകാശം അവരുടെ കണ്ണുകളില്‍ കണ്ടുവെന്ന്സാക്ഷ്യപ്പെടുത്തുകയും പങ്കെടുത്ത എല്ലാ അമ്മമാര്‍ക്കും മാതൃദിനത്തിന്റെ ആശംസകള്‍ നേരുകയും ചെയ്തു.

ഏറ്റവും കൂടുതല്‍ മക്കളുള്ള അമ്മ, ഏറ്റവും പ്രായം കൂടുതലുള്ള അമ്മ എന്നിവരെയും നറുക്കെടുപ്പിലൂടെ തെരഞ്ഞെടുക്കപ്പെട്ട അമ്മമാരെയും കായിക മത്സരത്തില്‍ വിജയികളായ അമ്മമാരെയും സമ്മാനം നല്കി ആദരിച്ചു. മാതൃവേദി സംഗമത്തില്‍പങ്കെടുത്ത എല്ലാ അമ്മമാര്‍ക്കുംഉച്ച ഭക്ഷണം നല്കി യാത്രയാക്കി.

K.C.Y. M വരാപ്പുഴ അതിരൂപത സമിതിയുടെ നേതൃത്വത്തിൽ പീഡാസഹന യാത്ര നടത്തി

വിശുദ്ധ വാരത്തിന്റെ ആരംഭം കുറിച്ച് കെ.സി.വൈ.എം വരാപ്പുഴ അതിരൂപത സമിതിയുടെ നേതൃത്വത്തിൽ എറണാകുളം നഗരത്തിൽ പീഡാസഹനയാത്ര സംഘടിപ്പിച്ചു. സെൻറ്. ഫ്രാൻസീസ് അസീസി കത്തീഡ്രൽ ദേവാലയത്തിൽ നിന്നുമാരംഭിച്ച് നഗരം ചുറ്റി എറണാകുളം സെന്റ്.മേരീസ് ബസിലിക്കയിൽ സമാപിച്ച പീഡാസഹനയാത്രയിൽ വരാപ്പുഴ, എറണാകുളം-അങ്കമാലി അതിരൂപതകളിലെയും, മൂവാറ്റുപുഴ രൂപതയിലെയും, നിരവധി വിശ്വാസികൾ പങ്കെടുത്തു. വരാപ്പുഴ ആർച്ച് ബിഷപ് ഡോ.ജോസഫ് കളത്തിപറമ്പിൽ, സീറോ മലബാർ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി, മൂവാറ്റുപുഴ രൂപത ബിഷപ് എബ്രഹാം മാർ ജൂലിയോസ് എന്നിവർ പ്രാർഥനാ ശുശ്രുഷകൾക്ക് നേതൃത്വം നൽകി. മാനവലോകത്തിന്റെ പാപപരിഹാരത്തിനായി കുരിശിൽ മരിച്ച യേശു നാഥന്റെ പീഡാനുഭവ സ്മരണകൾ നന്മയിൽ ജീവിക്കാൻ നമ്മെ പ്രചോദിപ്പിക്കട്ടെ എന്ന് ബിഷപ് എബ്രഹാം മാർ ജൂനിയോസ് പ്രാരംഭ സന്ദേശത്തിൽ പറഞ്ഞു.

ഫാ.ജൂഡിസ് പനക്കൽ, ഫാ.ഡേവിഡ് മാടവന, ഫാ.ജിജു ക്ലീറ്റസ് തിയ്യാടി,ഫാ.ജോൺ ക്രിസ്റ്റഫർ വടശ്ശേരി, കെ.സി.വൈ.എം വരാപ്പുഴ അതിരൂപത പ്രസിഡന്റ് അഡ്വ.ആൻറണി ജൂഡി, ജന.സെക്രട്ടറി ദീപു ജോസഫ്, സിബു ആന്റണി, കെ.സി.വൈ.എം സംസ്ഥാന ജന. സെക്രട്ടറി ബിജോ പി. ബാബു, വൈസ്. പ്രസിഡന്റ് ജോസ് റാൽഫ്, കെ.സി.വൈ.എം വരാപ്പുഴ അതിരൂപത ഭാരവാഹികളായ ലിന്റാ ജോൺസൺ, മിമിൽ വർഗീസ്, സ്നേഹ ജോൺ, ജോർജ് രാജീവ് പാട്രിക്, ആഷ്ലിൻ പോൾ, സെൻസിയ ബെന്നി, മേരി ജിനു, എഡിസൺ ജോൺസൻ, അഡ്വ.അമൽ സ്റ്റാൻലി, ജിജോ ജെയിംസ്, ഡിനോയ് ജോൺ എന്നിവർ നേതൃത്വം നൽകി.

പുനരുത്ഥാനത്തിൻെറ മക്കളാകാൻ വിളിക്കപ്പെട്ടവരാണു വിശ്വാസികൾ: ആർച്ച്ബിഷപ്പ് ഡോ. ജോസഫ് കളത്തിപ്പറമ്പിൽ

പുനരുത്ഥാനത്തിൻെറ മക്കളാകാൻ വിളിക്കപ്പെട്ടവരാണു വിശ്വാസികളെന്നു  ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ. 25 – മത് എറണാകുളം മറൈൻഡ്രൈവ് ബൈബിൾ കൺവൻഷൻെറ സമാപന ദിനത്തിൽ ദിവ്യബലിയർപ്പിച്ചു സന്ദേശം നൽകുകയായിരുന്നു അദ്ദേഹം.

ക്രിസ്തുവിൻെറ ഉത്ഥാനം ക്രൈസ്തവ ജീവിതത്തെ അർത്ഥപൂർണമാകുന്നു. സാക്ഷ്യജീവിതത്തിലൂടെ ഉത്ഥാനത്തിൻെറ സന്ദേശം മറ്റുള്ളവരിലേക്കു പകരാൻ നമുക്കാകണമെന്നും അദ്ദേഹം ഓർമ്മിപ്പിച്ചു. ഫാ. ഡൊമിനിക് വാളമ്നാൽ വചനപ്രഘോഷണം നടത്തി. ദിവ്യകാരുണ്യ പ്രദക്ഷിണത്തിൽ എറണാകുളം-അങ്കമാലി അതിരൂപത സഹായമെത്രാൻ മാർ ജോസ് പുത്തൻവീട്ടിൽ കാർമികത്വം വഹിച്ചു.

ദിവ്യകാരുണ്യ ആശീർവാദത്തോടെയായിരുന്നു കൺവൻഷൻെറ സമാപനം. മറൈൻഡ്രൈവ് ബൈബിൾ കൺവെൻഷൻെറ രജതജൂബിലി വർഷത്തിൽ ആറു ദിവസമായി നടന്ന വചന പ്രഘോഷണത്തിലും ശുശ്രൂഷകളിലും ആയിരക്കണക്കിനു വിശ്വാസികളാണു പങ്കെടുത്തത്.

“ചരിത്രവും സാംസ്‌കാരിക പൈതൃകവും നിലനില്പിന്റെ ഉപാധികള്‍”: ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍

സംസ്ഥാനത്ത് നവോത്ഥാന ചരിത്രത്തിന് പുതിയ അവകാശികള്‍ ഉടലെടുത്തുകൊണ്ടിരിക്കുന്ന സാഹചര്യത്തില്‍ സഭയുടെയും സമുദായത്തിന്റെയും ചരിത്രവും സാംസ്‌കാരിക പൈതൃകവും കാത്തുപാലിക്കേണ്ടത് സാമൂഹിക നിലനില്പിനും സ്വത്വബോധത്തിന്റെ വളര്‍ച്ചയ്ക്കും അത്യന്താപേക്ഷിതമാണെന്ന് വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ഓര്‍മിപ്പിച്ചു.

മോണ്‍. ജോസഫ് പടിയാരംപറമ്പിലിനെ ഡയറക്ടറായി നിയമിച്ചുകൊണ്ട് വരാപ്പുഴ അതിരൂപത ഹെരിറ്റേജ് കമ്മീഷന്‍ പുനഃസംഘടിപ്പിച്ച ശേഷം ചേര്‍ന്ന ആദ്യ യോഗത്തില്‍ അധ്യക്ഷത വഹിക്കുകയായിരുന്നു കമ്മീഷന്‍ ചെയര്‍മാനായ ആര്‍ച്ച്ബിഷപ്. സങ്കുചിത താല്പര്യങ്ങള്‍ക്കായി ചരിത്രത്തെ വക്രീകരിക്കാനും തമസ്‌കരിക്കാനും ദുര്‍വ്യാഖ്യാനം ചെയ്യാനും സംഘടിത ശ്രമങ്ങള്‍ നടക്കുന്നുണ്ട്. നമ്മുടെ ചരിത്രഗവേഷകരുടെ പ്രയത്‌നങ്ങള്‍ക്ക് എല്ലാവിധ പിന്തുണയും നല്‍കേണ്ടത് അത്യാവശ്യമാണ്. റോമിലെ വിഖ്യാത യൂണിവേഴ്‌സിറ്റിയില്‍ തന്റെ ഗവേഷണ പ്രബന്ധം അവതരിപ്പിക്കാന്‍ ശ്രമിച്ച സിടിസി സന്ന്യാസിനീ സമൂഹത്തിലെ സിസ്റ്റര്‍ സൂസി കിണറ്റിങ്കല്‍ കടുത്ത വെല്ലുവിളികള്‍ നേരിട്ടത് ആര്‍ച്ച്ബിഷപ് അനുസ്മരിച്ചു. കെആര്‍എല്‍സിസി ഹെരിറ്റേജ് കമ്മീഷന്റെ നേതൃത്വത്തില്‍ റവ. ഡോ. ആന്റണി പാട്ടപ്പറമ്പില്‍ രചന നിര്‍വഹിച്ചും എഡിറ്റു ചെയ്തും ഇറക്കുന്ന ചരിത്രഗ്രന്ഥങ്ങളുടെ പരമ്പര ശ്രദ്ധേയമാണെന്നും അദ്ദേഹം പറഞ്ഞു.

മലയാള ഭാഷയ്ക്കും സംസ്‌കാരത്തിനും സമൂഹത്തിനും അതുല്യ സംഭാവന നല്‍കിയ നവോത്ഥാന നായകനായ അര്‍ണോസ് പാതിരിയുടെ (ജര്‍മനിയില്‍ ജനിച്ച യൊഹാന്‍ ഏണ്‍സ്റ്റ് ഹാന്‍ക്‌സ്‌ലേഡന്‍ എന്ന ജസ്യുറ്റ് മിഷനറി) 287-ാം ചരമവാര്‍ഷികത്തില്‍ കവിശ്രേയസുകൊണ്ട് വിദേശമിഷനറിമാരില്‍ അദ്വിതീയനായ ആ മഹാമനീഷിക്ക് യോഗം പ്രണാമം അര്‍പ്പിച്ചു. എഫ്. ആന്റണി പുത്തൂര്‍ അനുസ്മരണ പ്രമേയം അവതരിപ്പിച്ചു. 

അതിരൂപതാ വികാരി ജനറല്‍മാരായ മോണ്‍. മാത്യു കല്ലിങ്കല്‍, മോണ്‍. മാത്യു ഇലഞ്ഞിമറ്റം എന്നിവര്‍ സന്നിഹിതരായിരുന്നു. മോണ്‍. ജോസഫ് പടിയാരംപറമ്പില്‍ കമ്മീഷന്റെ നയരേഖയും കര്‍മപദ്ധതികളും അവതരിപ്പിച്ചു. ആര്‍ച്ച്ബിഷപ് ബെര്‍ണര്‍ദീന്‍ ബച്ചിനെല്ലിയുടെ 150-ാം ചരമവാര്‍ഷിക അനുസ്മരണത്തോടനുബന്ധിച്ച് ഇന്ത്യന്‍ തപാല്‍ വകുപ്പ് പള്ളിക്കൊരു പള്ളിക്കൂടം എന്ന ഇടയലേഖനത്തിലൂടെ വിദ്യാഭ്യാസ രംഗത്ത് അദ്ദേഹം നല്‍കിയ ചരിത്രപ്രധാനമായ സംഭാവനകള്‍ സാക്ഷ്യപ്പെടുത്തിയത് ചാരിതാര്‍ഥ്യജനകമാണെന്ന് മോണ്‍. പടിയാരംപറമ്പില്‍ പറഞ്ഞു. ഹെരിറ്റേജ് കമ്മീഷന്റെയും അതിരൂപതയിലെ കേരള ലാറ്റിന്‍ കാത്തലിക് ഹിസ്റ്ററി അസോസിയേഷന്‍ അംഗങ്ങളുടെയും സംയുക്ത യോഗത്തില്‍ ഡോ. ചാള്‍സ് ഡയസ്, ആന്റണി അമ്പാട്ട്, മാനിഷാദ്, ഡോ. മോളി ഫെലിക്‌സ്, മാത്തച്ചന്‍ അറയ്ക്കല്‍, ജെക്കോബി തുടങ്ങിയവര്‍ സംസാരിച്ചു.

ഗോവയിൽ നടന്ന ദേശീയ നൈപുണ്യ മത്സരത്തിൽ കളമശ്ശേരി ലിറ്റിൽ ഫ്ലവർ എഞ്ചിനീയറിംങ് ഇൻസ്റ്റിറ്റ്യൂട്ടിന് ഓവറോൾ ചാമ്പ്യൻഷിപ്പ്

നിമിഷങ്ങൾക്കകം ഏതു സൈക്കിളും ഇലക്ട്രിക് സൈക്കിളാക്കി മാറ്റുന്ന വിദ്യയുമായി തുഷാറും ജെർഫിനും. സമയാധിഷ്ഠിതവും ഉയർന്ന കായികശേഷിയും വേണ്ട മത്സരത്തിൽ തങ്ങൾ പിന്നിലല്ലെന്ന് തെളിയിച്ചു ദിവ്യയും ടിഷാനയും. ഇവരുൾപ്പെടെയുള്ള ഒമ്പതംഗ സംഘം ഗോവയിൽ നടന്ന ദേശീയ നൈപുണ്യ മത്സരത്തിൽ കളമശ്ശേരി ലിറ്റിൽ ഫ്ലവർ എഞ്ചിനീയറിംങ് ഇൻസ്റ്റിറ്റ്യൂട്ടിന് ഓവറോൾ ചാമ്പ്യൻഷിപ്പ് നേടി കൊടുത്തു.

വാഹന സംബന്ധിയായ ഏതു വെല്ലുവിളിയും നേരിട്ടു പരിഹരിക്കുന്നതിൽ തങ്ങളെ വെല്ലാൻ ആരുമില്ലെന്ന് ഇവർ നൈപുണ്യ മത്സരത്തിൽ തെളിയിച്ചു. തുടർച്ചയായ രണ്ടാം വർഷമാണ് ലിറ്റിൽ ഫ്ലവറിലെ മിടുക്കർ ഈ നേട്ടം കൈവരിക്കുന്നത്. കഴിഞ്ഞവർഷം കൊൽക്കത്തയിലാണ് ആദ്യം ലിറ്റിൽ ഫ്ലവർ വിജയക്കൊടി പാറിച്ചത്. അഴിച്ചു പണിയാനും ടയർ മാറ്റിയിടാനും തകരാർ കണ്ടുപിടിച്ചു പരിഹാരം കാണാനും തങ്ങൾ മുന്നിലാണെന്നു തെളിയിച്ചു ടിഷാന തമ്പിയും ദിവ്യ തോമസും മത്സരത്തിനെത്തിയവരുടെ കയ്യടി നേടി. 30 ടീമുകളെ പിന്തള്ളി മികച്ച സമയം കുറിച്ച് ഇവർ ഒന്നാം സ്ഥാനം നേടി. സാധാരണ സൈക്കിളിനെ നിമിഷനേരം കൊണ്ട് ഇലക്ട്രിക് സൈക്കിളാക്കി മാറ്റുന്ന കിറ്റ് നിർമിച്ചാണ് തുഷാർ സത്യജിത്തും ജെർഫിൻ ജേക്കബും പ്രൊജക്ട് എക്സ്പോയിലെ താരങ്ങളായത്. 20,000 രൂപയുടെ കിറ്റാണ് ഇവർ തയ്യാറാക്കിയത്. വ്യവസായ അടിസ്ഥാനത്തിലാവുമ്പോൾ 8,000 രൂപ മാത്രമേ വേണ്ടിവരികയുള്ളൂവെന്ന് ഇവർ വ്യക്തമാക്കി.

സർവീസ് പോയിൻറ്, ഓട്ടോ സർവീസ്, ഓട്ടോ ഡോക്ടർ തുടങ്ങി വാഹനവും അതിലെ ഭാഗങ്ങളുമായും ബന്ധപ്പെട്ട എല്ലാ ഇനങ്ങളിലും കൃത്യതയിലും സമയനിഷ്ഠയിലും ഗുണമേന്മ പരിരക്ഷിക്കുന്നതിലും മറ്റു സംസ്ഥാനങ്ങളിലെ വിദ്യാർത്ഥികളെകാൾ മുൻപന്തിയിലായിരുന്നു ഇമ്മാനുവൽ ജൂഡിനൻെറയും പിഎൻ മുഹമ്മദിൻെറയും പ്രകടനം ലിറ്റിൽ ഫ്ലവറിനെ പ്രതിനിധീകരിച്ചു. തുഷാർ സത്യജിത്, പി. എൻ. മുഹമ്മദ്, ഇമ്മാനുവൽ ജൂഡ്, ജെർഫിൻ ജേക്കബ്, ടിഷാന തമ്പി, ദിവ്യ തോമസ്, ട്രെയിനർ മാരായ ജേക്കബ് ജെവിൻ, ജിനേഷ് വിനയചന്ദ്രൻ, നിൻെറാ ആൻറണി എന്നിവരടങ്ങിയ 9 അംഗ ടീമാണ് പങ്കെടുത്തത്. 40 ടീമുകളിൽ നിന്നായി 140 പേരാണ് മത്സരത്തിൽ പങ്കെടുത്തത്. ടാറ്റയും ഐടിഐകളുടെ ദേശീയ സംഘടനയായ സ്കിപും ചേർന്നാണ് ഓട്ടോ സ്കിൽ ഫെസ്റ്റ് നടത്തുന്നത്. 2014 മുതൽ ടാറ്റയും ലിറ്റിൽ ഫ്ലവറും ചേർന്നു സംയോജിത കോഴ്സുകൾ നടത്തുന്നുണ്ട്. പ്രായോഗിക പരിശീലനത്തിനും ലിറ്റിൽ ഫ്ലവർ ഊന്നൽ നൽകുന്നുവെന്ന് ഡയറക്ടർ ഫാ. ജോബി ആശീതുപറമ്പിൽ പറഞ്ഞു. 

കാരിത്താസ് ഇന്ത്യ ലെന്റന്‍ കാമ്പെയിന്‍ (Lenten Campaign) സംസ്ഥാനതല ഉദ്ഘാടനം ആര്‍ച്ച് ബിഷപ്പ് ഡോ. ജോസഫ് കളത്തിപ്പറമ്പില്‍ നിര്‍വ്വഹിച്ചു

ഭാരത കത്തോലിക്ക മെത്രാന്‍ സംഘത്തിന്റെ ഔദ്യോഗിക സാമൂഹ്യ സേവന വിഭാഗമായ കാരിത്താസ് ഇന്ത്യ വിഭവ സമാഹണത്തിന്റെ ഭാഗമായി ‘ലെന്റന്‍ കാമ്പെയിന്‍’ സംഘടിപ്പിക്കുന്നു. ‘പോഷകാഹാരം നമ്മുടെ അവകാശം’ എന്നതാണ് ദാരിദ്ര നിര്‍മ്മാര്‍ജ്ജന പ്രവര്‍ത്തനങ്ങള്‍ക്ക് ഊന്നല്‍ നല്‍കി സംഘടിപ്പിച്ചിരിക്കുന്ന ഈ വര്‍ഷത്തെ കാമ്പെയിന്റെ ആപ്തവാക്യം. ദാരിദ്ര്യം മൂലം ഇപ്പോഴും ദുരിതം അനുഭവിക്കുന്ന ഭാരതീയരെ സഹായിക്കുന്നതിനാണ് ഇതിലൂടെ സമാഹരിക്കുന്ന തുക വിനിയോഗിക്കുന്നത്.


കേരള മെത്രാന്‍ സമിതി (കെ.സി.ബി.സി) യുടെ നേതൃത്വത്തില്‍ കേരള സോഷ്യല്‍ സര്‍വ്വീസ് ഫോറം, വരാപ്പുഴ അതിരൂപത സാമൂഹ്യ സേവന വിഭാഗമായ എറണാകുളം സോഷ്യല്‍ സര്‍വ്വീസ് സൊസൈറ്റി എന്നിവയുടെ സംയുക്താഭിമുഖ്യത്തില്‍ ഇതിന്റെ സംസ്ഥാനതല ഉദ്ഘാടനം കെ. സി. ബി. സി ജസ്റ്റിസ്- പീസ് ആന്റ് ഡെവലപ്‌മെന്റ് കമ്മീഷന്‍ വൈസ് ചെയര്‍മാന്‍ വരാപ്പുഴ അതിരൂപത ആര്‍ച്ച് ബിഷപ്പ് ഡോ. ജോസഫ് കളത്തിപ്പറമ്പില്‍ നിര്‍വ്വഹിച്ചു. വൈറ്റില സെന്റ്. പാട്രിക് ദേവാലയത്തില്‍ വച്ചു നടന്ന പരിപാടിയില്‍ കേരള സോഷ്യല്‍ സര്‍വ്വീസ് ഫോറം ഡയറക്ടര്‍ ഫാ. ജോര്‍ജ്ജ് വെട്ടിക്കാട്ടില്‍, എറണാകുളം സോഷ്യല്‍ സര്‍വ്വീസ് സൊസൈറ്റി ഡയറക്ടര്‍ ഫാ. മാര്‍ട്ടിന്‍ അഴീക്കകത്ത്, ഫാ. സ്റ്റാന്‍ലി മാതിരപ്പിള്ളി, ഫാ. ജോസ് കൊളുത്തുവേലില്‍, ഫാ. ബൈജു എന്നിവര്‍ പങ്കെടുത്തു.
‘പോഷകാഹാരം നമ്മുടെ അവകാശം’ എന്ന വിഷയത്തില്‍ തെരുവുനാടകം, പോസ്റ്റര്‍ രചനാമത്‌സരം, പോസ്റ്റര്‍ പ്രദര്‍ശനം, പോസ്റ്റര്‍ പ്രകാശനം , ഒപ്പ് ശേഖരണം, പോഷകാഹാര കിറ്റുകളുടെ വിതരണം എന്നിവയും ലെന്റന്‍ കാമ്പെയിന്‍ അവബോധനറാലിയും, വിഭവ സമാഹണത്തിന്റെ ആദ്യഘട്ട തുകയുടെ സമര്‍പ്പണവും ഇതിനോടനുബന്ധിച്ചു നടന്നു.

സ്വയം തൊഴില്‍ സംരംഭകര്‍ക്കായി 60 ലക്ഷം രൂപയുടെ കാര്‍ഡ് വിതരണവും Pollution Free Poultry Farming- ന്റെ ഉദ്ഘാടനവും നിര്‍വ്വഹിച്ചു

വരാപ്പുഴ അതിരൂപതയുടെ സാമൂഹ്യ സേവന വിഭാഗമായ എറണാകുളം സോഷ്യല്‍ സര്‍വ്വീസ് സൊസൈറ്റിയും,കേരള സോഷ്യല്‍ സര്‍വ്വീസ് ഫോറവും സംയുക്തമായി പ്രളയ പുനരധിവാസ പുനരുദ്ധാരണ പ്രവര്‍ത്തനത്തിന്റെ ഭാഗമായി ആലങ്ങാട്,വരാപ്പുഴ ചേരാനല്ലൂര്‍, കടമക്കുടി,മുളവുകാട്,എളങ്കുന്നപ്പുഴ,ഞാറയ്ക്കല്‍ എന്നി ഗ്രാമ പഞ്ചായത്തു കളിലായി പ്രളയ ദുരിതത്തിലകപ്പെട്ട വിധവകള്‍ക്കുള്ള സ്വയം തൊഴില്‍ സംരംഭത്തിന്റെ ഭാഗമായി 18 വിധവകള്‍ക്കായി 2 ലക്ഷം രൂപയുടെ  Pollution Free Poultry Farming- ന്റെ ഉദ്ഘാടനം ഇ.എസ്.എസ്.എസ്. ഡയറക്റ്റര്‍ ഫാ.മാര്‍ട്ടിന്‍ അഴിക്കകത്തിന്റെ അദ്ധ്യക്ഷതയില്‍ നടന്ന ചടങ്ങില്‍ ഫാ. ജോര്‍ജ്ജ് വെട്ടിക്കാട്ടില്‍ നിര്‍വഹിച്ചു.

എറണാകുളം സോഷ്യല്‍ സര്‍വ്വീസ് സൊസൈറ്റിയും, കാരിത്താസ്‌ ഇന്ത്യയും സംയുക്തമായി നടപ്പിലാക്കുന്ന പ്രളയ പുനരധിവാസ പുനരുദ്ധാരണ പ്രവര്‍ത്തനത്തിന്റെ ഭാഗമായി വരാപ്പുഴ, ഏലൂര്‍, കടമക്കുടി,ചേരാനല്ലൂര്‍,ആലങ്ങാട് എന്നി ഗ്രാമപഞ്ചായത്തുകളിലായി വീട് പുനരുദ്ധാരണം,ടോയ്‌ലറ്റ്,മെഴുകുതിരി നിര്‍മ്മാണം, ആട് വളര്‍ത്തല്‍, ബള്‍ബ് നിര്‍മ്മാണം എന്നിവയുടെ ഗുണഭോക്താക്കള്‍ക്കായി 60 ലക്ഷം രൂപയുടെ കാര്‍ഡ് വിതരണം ഇ.എസ്.എസ്.എസ്.ഡയറക്ടര്‍ ഫാ.മാര്‍ട്ടിന്‍ അഴിക്കകത്തും, അസിസ്റ്റന്റ് ഡയറക്ടര്‍ ഫാ.റാഫേല്‍ കല്ലുവീട്ടിലും ചേര്‍ന്ന് നിര്‍വ്വഹിച്ചു.

വൈപ്പിൻ ഫെറോന ലത്തീൻ അൽമായ നേതൃസംഗമം 2019

ലത്തീൻ നേതൃനിരയുടെ ശക്തി വിളിച്ചോതി അവകാശ പ്രഖ്യാപന റാലിയുമായി വൈപ്പിൻ ഫെറോന ലത്തീൻ അൽമായ നേതൃസംഗമം 2019 മാർച്ച് 10ന് വൈകിട്ട് 3.00ന് ആരംഭിച്ച് റാലി ഇൻഡസ്ട്രിയൽ കോർപ്പറേഷൻ ഡയറക്ടർ ഇ.എസ്. ജോസ് ഉദ്ഘാടനം ചെയ്തു. ബി.സി.സി വരാപ്പുഴ അതിരൂപത ഡയറക്ടർ ഫാ. ആൻറണി അറക്കൽ നേതൃസംഗമം ഉദ്ഘാടനം ചെയ്തു.

തീരപരിപാലന നിയമത്തിലെ പുതിയ നിർദ്ദേശങ്ങൾ പരിഗണിച്ചു തീരദേശ മാനേജിംഗ് പദ്ധതി ആവിഷ്കരിക്കുക, വൈപ്പിൻ മുനമ്പം തീരദേശ റോഡ് നിർമ്മാണം പൂർത്തീകരിക്കുക, ജിഡ ഫണ്ട് ഉപയോഗിച്ചു വൈപ്പിൻ കടമക്കുടി ദ്വീപുകളിലെ വികസനം നടത്തുക, പുതുവൈപ്പിൻ ഐ.ഒ.സി മാറ്റി സ്ഥാപിക്കുക, ഐ.ഒ.സി യുമായി ബന്ധപ്പെട്ട സമരത്തിൽ പങ്കെടുത്തവർക്കെതിരെയുള്ള കേസുകൾ പിൻവലിക്കുക എന്നീ ആവശ്യങ്ങൾ യോഗം ഉന്നയിച്ചു.

ഫെറോന ഡയറക്ടർ ഫാ. ജോർജജ് കുറുപ്പത്ത് അധ്യക്ഷത വഹിച്ചു. ജനറൽ കൺവീനർ ജയിംസ് കളരിക്കൽ, ലീഡർ തദേവൂസ് കുന്നപ്പള്ളി, പിന്നോക്ക കമ്മീഷൻ അംഗം വി.ജെ. ജെറോം, കെ. ആർ. എൽ. സി. സി. വൈസ് പ്രസിഡൻറ് ഷാജി ജോർജ്, സി. എസ്. എസ് നേതാവ് ജയിംസ് കുറുപ്പശേശലി കെ. എൽ. സി. എ. മേഖല പ്രസിഡൻ്റ് അഡ്വ. സ്റ്റെർവിൻ സേവ്യർ, സെക്രട്ടറി ലൈജു കളരിക്കൽ എന്നിവർ പ്രസംഗിച്ചു.

വൈകുന്നേരം 6 മണിക്ക് ആര്‍ച്ച്ബിഷപ്പ് ജോസഫ് കളത്തിപ്പറമ്പില്‍ പിതാവ്,  വളപ്പ് നിത്യസഹായമാതാ ദൈവാലയത്തില്‍ വച്ച് അല്മായര്‍ക്കുവേണ്ടി ദിവ്യബലി അര്‍പ്പിച്ചു പ്രാര്‍ത്ഥിച്ചു. ഈ ലോകത്തില്‍ അല്മായര്‍ ക്രിസ്തുവിന്റെ പ്രേഷിതചൈതന്യത്തില്‍ ജ്വലിച്ചുകൊണ്ട് സഭയ്ക്കും സമൂഹത്തിനും വേണ്ടി നന്മ ചെയ്യുവാന്‍ വിളിക്കപ്പെട്ടിരിക്കുന്നു എന്ന് അഭിവന്ദ്യ മെത്രാപ്പോലിത്ത തന്റെ സന്ദേശത്തില്‍ വ്യക്തമാക്കി.

റാലിക്ക് ഫാ. മാത്യു ഡികൂഞ്ഞ, ഫാ. ജോർജ് കുറുപ്പത്ത്, ടെർസീന, തദ്ദേവൂസ് കുന്നപ്പിള്ളി, അഡ്വ. സ്റ്റെർവിൻ വിൻ സേവ്യർ, ജെയിംസ് കുറുപ്പശേശരി, ജെയിംസ് കളരിക്കൽ എന്നിവർ നേതൃത്വം നൽകി.

എറണാകുളം സോഷ്യല്‍ സര്‍വ്വീസ് സൊസൈറ്റിയുടെ വനിതാദിനാഘോഷം അഭിവന്ദ്യ ജോസഫ് കളത്തിപറമ്പില്‍ മെത്രാപ്പോലീത്ത ഉത്ഘാടനം ചെയ്തു

വരാപ്പുഴ അതിരൂപതയുടെ സാമൂഹ്യസേവന വിഭാഗമായ എറണാകുളം സോഷ്യല്‍ സര്‍വ്വീസ് സൊസൈറ്റിയുടെ വനിതാദിനാഘോഷം എറണാകുളം ഇന്‍ഫന്റ് ജീസസ് ഹാളില്‍ ഡയറക്ടര്‍ ഫാ.മാര്‍ട്ടിന്‍ അഴിക്കകത്തിന്റെ അദ്ധ്യക്ഷതയില്‍ വരാപ്പുഴ അതിരൂപത അഭിവന്ദ്യ മെത്രാപ്പോലീത്ത ഡോ.ജോസഫ് കളത്തിപറമ്പില്‍ തിരി തെളിച്ച് തുടക്കം കുറിച്ചു. ക്യാന്‍സര്‍ രോഗികള്‍ക്ക് വിഗ് വിതരണവും, ചികില്‍സാ സഹായവും സ്‌നേഹ ഭവനം പദധിതിയുടെ ഭവനനിര്‍മ്മാണ ധനസഹായവും പിതാവ് നിര്‍വ്വഹിച്ചു.

ലിംഗ സമത്വ മെന്നത് ആരും തരേണ്ടതല്ല, സ്വയം നേടി എടുക്കേണ്ടതാണെന്ന്  പ്രളയ ബാധിത പ്രദേശത്തെ സ്വയസഹായ സംഘങ്ങളുടെ അതിജീവനത്തിനായി ഒരു കോടി രൂപ പിന്നോക്ക വിഭാഗ വികസന കോര്‍പ്പറേഷന്റെ സഹകരണത്തോടെ നല്‍കുന്ന സ്വയംതൊഴില്‍ വായ്പവിതരണത്തിന്റെ ഉദ്ഘാടനകര്‍മ്മം നിര്‍വ്വഹിച്ച് കൊച്ചി മേയര്‍ ശ്രീമതി സൗമിനി ജെയിന്‍ സംസാരിച്ചു. സൈബര്‍ ക്രൈം എന്ന വിഷയത്തെ കുറിച്ചുള്ള ക്‌ളാസ് സൈബര്‍ സെല്‍ വിഭാഗത്തിലെ സീനിയര്‍ സിവില്‍ പോലിസ് ഓഫീസര്‍ ശ്രീമതി ദീപ എം. നയിക്കുകയും, ജീവതത്തിലെ ദുഃഖദുരിതമായ സാഹചര്യങ്ങളെ അതിജീവിച്ച വിവിധ തൊഴില്‍ രംഗങ്ങളില്‍ പ്രശോഭിക്കുന്ന വിധവകളെ ആദരിക്കുകയും,കേശദാനപരിപാടിയുടെ ഉദ്ഘാടനം നിര്‍വ്വഹിക്കുകയും ചെയ്തു . കൊച്ചി കോര്‍പ്പറേഷന്‍ കൗണ്‍സിലര്‍ ഗ്രേയ്‌സി ബാബു ജേക്കബ് മികച്ച പ്രവര്‍ത്തനം കാഴ്ച്ച വച്ച വനിത ഫെഡറേഷനുകള്‍ക്ക് എവറോളിംഗ് ട്രോഫി നല്‍കി.

അവശതയനുഭവിക്കുന്നവരുടെ ശബ്ദമായി കെ.എൽ. സി. എ മാറണം – ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ 

നമുക്കുചുറ്റും ആവശത അനുഭവിക്കുന്നവരുടെയും അവകാശങ്ങൾ നിഷേധിക്കപ്പെടുന്നവരുടെയും എണ്ണം കൂടിവരികയാണെന്നും അവരുടെ ശബ്ദമായി മാറാൻ കെ.എൽ.സി. എയ്ക്ക് കഴിയണമെന്നും ആർച്ച് ബിഷപ്പ് ഡോ ജോസഫ് കളത്തിപ്പറമ്പിൽ. കെ.എൽ.സി.എ നടത്തിയ വരാപ്പുഴ അതിരൂപത കുടുംബസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സി .ജെ. പോൾ അധ്യക്ഷത വഹിച്ചുപ്രൊഫ കെവി തോമസ് എം.പി മുഖ്യപ്രഭാഷണം നടത്തി. ഫാ.മാർട്ടിൻ തൈപ്പറമ്പിൽ, ഫാ.രാജൻ കിഴവന, ലുയിസ് തണ്ണിക്കോട്, ഹെൻട്രി ഓസ്റ്റിൻഷാജി ജോർജ്ഷെറി ജെ തോമസ്, എം. സി ലോറൻസ്, റോയി പാളയത്തിൽ എന്നിവർ പ്രസംഗിച്ചു.

ഉച്ചയ്ക്കുശേഷം നടന്ന സമാപന സമ്മേളനം കെഎസ്ഐഡിസി ചെയർമാൻ ഡോ ക്രിസ്റ്റി ഫെർണാണ്ടസ് ഉദ്ഘാടനം ചെയ്തു. പൗരോഹിത്യ ജീവിതത്തിൽ 25 വർഷം പൂർത്തിയാക്കിയ വൈദീകരെയും കെ.എൽ.സി.  സംസ്ഥാന ഭാരവാഹികളെയും  യോഗത്തിൽ ആദരിച്ചു. മോൺ. ക്ലീറ്റസ് പറമ്പലോത്ത്, ഡോ.ആന്റണി വാലുമ്മൽ, ഫാ ഫിലിപ്പ് തൈപ്പറമ്പിൽ എന്നിവർ വൈദികരെ പ്രതിനിധീകരിച്ച് സംസാരിച്ചു. സിനിമാതാരം  പ്രയാഗ മാർട്ടിൻയേശുദാസ് പറപ്പള്ളി, ദീപു ജോസഫ്, ബാബു ആൻറണി, റോയി  ഡികുഞ്ഞ, സെബാസ്റ്റൻ വലിയപറമ്പിൽ, മോളി ചാർളി, മേരി ജോർജ്, ഫിലോമിന ലിങ്കൺപൗലോസ് നടുവിലപ്പറമ്പിൽ, സിബി ജോയ് എന്നിവർ   പ്രസംഗിച്ചു.