കെ.സി.വൈ.എം വരാപ്പുഴ അതിരൂപതയുടെ സുവർണ്ണ ജൂബിലി വർഷത്തോടനുബന്ധിച്ച്, കഴിഞ്ഞ അമ്പത് വർഷത്തിനിടെ നമ്മിൽ നിന്ന് വിടവാങ്ങിയ കെ.സി.വൈ.എം-നെ സ്നേഹിച്ച് പരിപോഷിപ്പിച്ച അഭിവന്ദ്യ പിതാക്കന്മാരുടെയും, വൈദികരുടെയും, സന്യാസിനിമാരുടെയും, നേതാക്കന്മാരുടെയും ആത്മശാന്തിക്കായി, സെന്റ് ഫ്രാൻസിസ് അസ്സീസി കത്തീഡ്രൽ ദൈവാലയത്തിൽ അനുസ്മരണ ദിവ്യബലി അർപ്പിച്ചു.
“കെ.സി.വൈ.എമ്മിനുവേണ്ടി ത്യാഗം ചെയ്തവർ അവരുടെ ജീവിതത്തിൽ അതിന്റെ ഫലം അനുഭവിക്കും” വരാപ്പുഴ അതിരൂപത മെത്രാപ്പോലീത്ത അഭിവന്ദ്യ ഡോ. ജോസഫ് കളത്തിപ്പറമ്പിൽ പിതാവിന്റെ വാക്കുകൾ ദിവ്യബലിക്ക് കൂടുതൽ പ്രാധാന്യം നൽകി.കെ.സി.വൈ.എം വരാപ്പുഴ അതിരൂപത പ്രസിഡന്റ് രാജീവ് പാട്രിക്കിന്റെ നേതൃത്വത്തിൽ സംഘടിപ്പിച്ച അനുസ്മരണ ദിവ്യബലി വരാപ്പുഴ അതിരൂപത മെത്രാപ്പോലീത്ത അഭിവന്ദ്യ ഡോ. ജോസഫ് കളത്തിപ്പറമ്പിൽ മുഖ്യകാർമികത്വം വഹിക്കുകയും അഭിവന്ദ്യ ആന്റണി വാലുങ്കൽ പിതാവ് സഹകാർമികനാകുകയും ചെയ്തു.വരാപ്പുഴ അതിരൂപത പരിസ്ഥിതി കമ്മീഷൻ ഡയറക്ടർ റവ.ഫാ. സെബാസ്റ്റ്യൻ കറുകപ്പള്ളി വചനപ്രഘോഷണം നിർവഹിച്ചു. ദിവ്യബലിയിൽ റവ. മോൺ. മാത്യു കല്ലിങ്കൽ, ചാൻസിലർ ഫാ. എബിജിൻ അറക്കൽ, പ്രൊക്യൂറേറ്റർ ഫാ. ഡോ. മാത്യു സോജൻ മാളിയേക്കൽ, കത്തീഡ്രൽ വികാരി ഫാ. പീറ്റർ കൊച്ചുവീട്ടിൽ, മറ്റു ബഹുമാനപ്പെട്ട വൈദികരും സഹകാർമികരായി. കെ.സി.വൈ.എം വരാപ്പുഴ അതിരൂപതാ ഡയറക്ടർ ഫാ. റാഫേൽ ഷിനോജ് ആറാഞ്ചേരി നന്ദിപ്രഭാഷണം നടത്തി.കെ.സി.വൈ.എം ലാറ്റിൻ സംസ്ഥാന സമിതി ആനിമേറ്റർ സി. മെൽന ഡിക്കോത്ത, വൈസ് പ്രസിഡന്റ് അക്ഷയ് അലക്സ്, കെ.സി.വൈ.എം വരാപ്പുഴ അതിരൂപതാ ജനറൽ സെക്രട്ടറി റോസ് മേരി കെ.ജെ, ട്രഷറർ ജോയ്‌സൺ പി.ജെ, ആനിമേറ്റർ മെർലിറ്റ സി.ടി.സി, മുൻകാല കെ.സി.വൈ.എം നേതാക്കന്മാർ, കെ.എൽ.സി.എ നേതാക്കന്മാർ, വൈദികർ, സന്യാസിനികൾ, കെ.സി.വൈ.എം വരാപ്പുഴ അതിരൂപതാ എക്സിക്യൂട്ടീവ് അംഗങ്ങൾ ആയ ദിൽമ മാത്യു, അരുൺ വിജയ് എസ്, വിനോജ് വർഗീസ്, ഫെർഡിൻ ഫ്രാൻസിസ്, അരുൺ സെബാസ്റ്റ്യൻ, മേഖലാ ഭാരവാഹികൾ, വിവിധ യൂണിറ്റ് ഭാരവാഹികൾ എന്നിവർ സന്നിഹിതരായിരുന്നു.
“വിശ്വാസത്തിന്റെ വഴികളിൽ അവർ നൽകിയ സംഭാവനകളെ ഓർമ്മിച്ച്, പ്രാർത്ഥനയുടെ ശാന്തിമയമായ അനുഗ്രഹത്തിൽ കെ.സി.വൈ.എം മുന്നോട്ട്…”
