കൊച്ചി : ഇന്ത്യയിൽ ഇത് വരെ റിപ്പോർട്ട് ചെയ്തിട്ടുള്ളതിൽ വച്ച് ഏറ്റവും ഭാരം കുറഞ്ഞ കുഞ്ഞിന്റെ ജനനം എറണാകുളം ലൂർദ് ആശുപത്രിയിൽ . കൊടുങ്ങല്ലൂർ സ്വദേശി തൻസീമിന്റെ ഭാര്യ സുഹൈനയാണ് ഇരട്ടക്കുട്ടികൾക്ക് ജന്മം നൽകിയത് . അതിൽ ഒരാളായ സായ് യുടെ ഭാരം ജനിച്ചപ്പോൾ ഭാരം വെറും 350 ഗ്രാം , കൂടെ ജനിച്ച സോയയുടെ ഭാരം 400 ഗ്രാം ആയിരുന്നു .വെറുമൊരു കൈപ്പത്തിയുടെ വലിപ്പം .
ഇതിനു മുൻപ് ഇന്ത്യയിൽ റിപ്പോർട്ട് ചെയ്യപ്പെട്ട ഏറ്റവും ഭാരം കുറഞ്ഞ കുഞ്ഞു ജനിച്ചത് 375 ഗ്രാം ഭാരത്തോടെയാണ് . അതുകൊണ്ടു തന്നെ 350 ഗ്രാം ഭാരത്തോടെ ജനിച്ച സായ് , ഇന്ത്യൻ മെഡിക്കൽ സയൻസിന്റെ സർവകാല റെക്കോർഡിലേക്കാണ് ജനിച്ചു വീണു , ആരോഗ്യവതിയായി ആശുപത്രി വിടുന്നത് .
ശിശു രോഗ പരിപാലനത്തിൽ ഒരു പൊൻ തൂവൽ കൂടി വരാപ്പുഴ അതിരൂപതയുടെ കീഴിലുള്ള എറണാകുളം ലൂർദ് ആശുപത്രി സ്വന്തമാക്കുകയാണ് .ലൂർദ് ആശുപത്രിയിലെ നവജാത ശിശു രോഗ വിദഗ്ദൻ ഡോ . റോജോ ജോയ് യും ടീമും ആണ് ഇതിനു നേതൃത്വം നൽകിയത് .
ആശുപത്രയിലെ വിദഗ്ദരായ ഡോക്ടര്സിന്റെ ഒരു സംഘം സർവപിന്തുണയുമായി കൂടെ ഉണ്ടായിരുന്നു എന്ന് ആശുപത്രി ഡയറക്ടർ ഫാ . ഷൈജു തോപ്പിൽ പറഞ്ഞു .ആശുപത്രിയിൽ നിന്ന് ഡിസ്ചാർജ് ചെയ്യുമ്പോൾ ഒരു കുഞ്ഞിന് 2 കി.ഗ്രാം , രണ്ടാമത്തെയാൾക്കു 1.5 കി .ഗ്രാം ഭാരം ഉണ്ടായിരുന്നു .
