വരാപ്പുഴ അതിരൂപത കെ.എല്‍.സി.ഡബ്ല്യു.എ (Kerala Latin Catholic Women’s Association) വനിതാസംഗമം ആഘോഷിച്ചു

വരാപ്പുഴ അതിരൂപത കെ.എല്‍.സി.ഡബ്ല്യു.എ (Kerala Latin Catholic Women’s Association) വനിതാസംഗമം ആഘോഷിച്ചു. സ്ത്രീകളോട് വിവേചനം കാണിക്കുകയും അവരെ മുഖ്യധാരയില്‍നിന്നും മാറ്റിനിറുത്തുകയും ചെയ്യുന്നത് ഭരണഘടനാ മൂല്യങ്ങള്‍ക്ക് വിരുദ്ധമാണെന്ന് കെ.ആര്‍.എല്‍.സി.സി വൈസ് പ്രസിഡന്റ് ഷാജി ജോര്‍ജ് പറഞ്ഞു. സ്ത്രീയുടെയും പുരുഷന്റെയും സാമൂഹിക സ്ഥിതിയെക്കുറിച്ചുള്ള പoനം ഭരണഘടനയുടെ അടിസ്ഥനതത്ത്വങ്ങൾ മുൻനിറുത്തി നടത്താൻ സർക്കാർ തയ്യാറക്കണമെന്ന്  ഷാജി ജോർജ് ആവശ്യപ്പെട്ടു. വരാപ്പുഴ അതിരൂപത കെ.എല്‍.സി.ഡബ്ല്യു.എ സംഘടിപ്പിച്ച വനിതാസംഗമം ഉദ്ഘാടനം ചെയ്യുകയായിരുന്നു അദ്ദേഹം.  കേരളാ ലാറ്റിന്‍ കാത്തലിക് വിമന്‍സ് അസോസിയേഷന്‍ പ്രസിഡന്റ് ഷീല ജേക്കബ് ആധ്യക്ഷം വഹിച്ചു . അഡ്വ. മിനിമോള്‍, ഫാ ജോജി കുതുകാട്ട്, ഡയറക്ടര്‍ ഫാ. മാര്‍ട്ടിന്‍ തൈപ്പറമ്പില്‍, ജൂലിയറ്റ് ഡാനിയല്‍, ഡോക് ഗ്ലാഡിസ് തമ്പി, സോണി ചീക്കു എന്നിവര്‍ പ്രസംഗിച്ചു.