കെ.സി.വൈ.എം വരാപ്പുഴ അതിരൂപതയുടെ ആഭിമുഖ്യത്തിൽ ഹരിതം ജൈവ കൃഷി കിറ്റ് അതിരൂപതാ തല വിതരണ ഉദ്ഘാടനം നടത്തി

കെ.സി.വൈ.എം വരാപ്പുഴ അതിരൂപതയുടെ ആഭിമുഖ്യത്തിൽ, കെ.സി.വൈ.എം സംസ്ഥാന സമിതി നേതൃത്വം നൽകുന്ന ഹരിതം ജൈവകൃഷി കിറ്റിന്റെ അതിരൂപതാ തല വിതരണോൽഘാടനം കെ.സി.വൈ.എം വരാപ്പുഴ അതിരൂപത യുവജന കാര്യാലയത്തിൽ വച്ച് കേരള കത്തോലിക്കാ സഭ യുവജനദിനമായി ആചരിച്ച ജൂലൈ 5, 2020 ഞായറാഴ്ച നടത്തി. ഹരിതം പദ്ധതിയുടെ ആദ്യ ജൈവകൃഷി കിറ്റ് കെ.സി.വൈ.എം വരാപ്പുഴ അതിരൂപത പ്രസിഡന്റ്ശ്രീ .ദീപു ജോസഫും, ഡയറക്ടർ ഫാ. റാഫേൽ ഷിനോജ് ആറാഞ്ചേരിയും ചേർന്ന് കെ.സി.ബി.സി യൂത്ത് ഐക്കൺ അവാർഡ് ജേതാവും, മുൻ കെ.സി.വൈ.എം സംസ്ഥാന സെക്രട്ടറിയും ആയിരുന്ന സിബി ജോയ് സാറിന് കൈമാറി. ആരോഗ്യമുള്ള ഒരു ജനതയെ സൃഷ്ടിക്കുന്നതിൽ ജൈവ കൃഷിയുടെ പ്രാധാന്യം വളരെ ഏറെയാണ് എന്നും കെ.സി.വൈ.എം വരാപ്പുഴ അതിരൂപതയിലെ യുവജനങ്ങൾ നേതൃത്വം നൽകുന്ന ഹരിതം പദ്ധതി വൻ വിജയമായി മാറട്ടെ എന്നും ഉദ്ഘാടനവേളയിൽ സിബി ജോയ് പറഞ്ഞു. പ്രസ്തുത ചടങ്ങിൽ കെ.സി.വൈ.എം വരാപ്പുഴ അതിരൂപത ജനറൽ സെക്രട്ടറി മിമിൽ വർഗീസ് വി ജെ, ട്രഷറർ സിബു ആന്റിൻ ആന്റണി, ഹരിതം കെ.സി.വൈ.എം വരാപ്പുഴ അതിരൂപത കോഡിനേറ്റർ ജോർജ് രാജീവ് പാട്രിക്, ഐ.സി.വൈ.എം ദേശീയ ജനറൽ സെക്രട്ടറി അഡ്വ. ആന്റണി ജൂഡി ഉൾപ്പെടെ കെ.സി.വൈ.എം വരാപ്പുഴ അതിരൂപതയുടെ മറ്റ് എക്സിക്യൂട്ടീവ് അംഗങ്ങളും സന്നിഹിതരായിരുന്നു.