പെരുമ്പിള്ളി ക്രിസ്തു ജയന്തി ആശുപത്രിക്ക് ദേശീയ അംഗീകാരം – NABH സർട്ടിഫിക്കേഷൻ

രാജ്യത്ത് ഗുണനിലവാരം പുലർത്തുന്ന മികച്ച ആശുപത്രികൾക്ക് ക്വാളിറ്റി കൗൺസിൽ ഓഫ് ഇന്ത്യ നൽകുന്ന NABH എൻ ട്രിലെവൽ സർട്ടിഫിക്കേഷന് പെരുമ്പിള്ളി ക്രിസ്തു ജയന്തി ആശുപത്രി അർഹയായി. പ്രസ്തുത പ്രകാശന കർമ്മം ബഹു. വ്യവസായ മന്ത്രി ശ്രീ രാജീവ് നിർവഹിച്ചു ആശുപത്രിക്കു വേണ്ടി വരാപ്പുഴ ആർച്ച് ബിഷപ്പ് ഡോ. ജോസഫ് കളത്തിപറമ്പിലും, ആശുപത്രി അഡ്മിനിസ്ട്രേറ്റർ ഫാ. ജോർജ് സെക്വീരയും സർട്ടിഫിക്കറ്റ് ഏറ്റുവാങ്ങി. ലൂർദ് സ്ഥാപനങ്ങളുടെ ഡയറക്ടർ ഫാ. ഷൈജു തോപ്പിലും, MLA ഉണ്ണികൃഷ്ണനും, മെഡിക്കൽ കോർഡിനേറ്റർ ഡോ. ജോസ് ഗുഡ്വിലും, സിസ്റ്റർ റൂഫീനയും ആശംസകൾ അർപ്പിച്ചു.

ഫാ. അലക്സ് ചിങ്ങംതറ നിര്യാതനായി

കൊച്ചി : വരാപ്പുഴ അതിരൂപത വൈദികനായ ഫാ. അലക്സ് ചിങ്ങംതറ നിര്യാതനായി.

1957 ഫെബ്രുവരി 14 ന് കൂനമ്മാവ് ഇടവക ചിങ്ങന്തറ ജോസഫിന്റെയും മേരിയുടെയും മകനായി ജനിച്ചു. 1985 ഡിസംബർ 16 ന് ആർച്ചുബിഷപ്പ് ഡോ. ജോസഫ് കേളന്തറ പിതാവിൽ നിന്നും വൈദികപട്ടം സ്വീകരിച്ചു.

കോട്ടുവള്ളി, വെറ്റിലപ്പാറ, വാടേൽ, കുരിശിങ്കൽ എന്നീ ദേവാലയങ്ങളിൽ സഹ വികാരിയായും പുതുവൈപ്പ്, പനങ്ങാട്, പൊന്നാരിമംഗലം, കോതാട്, എന്നീ ഇടവകകളിൽ വികാരിയായും, എറണാകുളം മൈനർ സെമിനാരി ഡയറക്ടർ, വരാപ്പുഴ അതിരൂപത കോർപ്പറേറ്റ് എഡ്യൂക്കേഷൻ ഏജൻസി സെക്രട്ടറി, സെന്റ്. ആൽബർട്സ് ഹൈസ്കൂൾ ലോക്കൽ മാനേജർ, ആവില ഭവൻ അഡ്മിനിസ്ട്രേറ്റർ എന്നീ നിലകളിൽ സേവനം ചെയ്തു. തുടർന്ന് ആവിലാഭവനിൽ വിശ്രമ ജീവിതത്തിൽ ആയിരുന്നു.

ദൈവത്തെ സ്നേഹിക്കാനും മനുഷ്യനെ സഹായിക്കാനുമായി മാറ്റിവെച്ച അദ്ദേഹത്തിന്റെ വൈദിക ജീവിതത്തിൽ സംഗീതത്തിനും വലിയ പ്രാധാന്യമുണ്ടായിരുന്നു. തന്റെ ജീവിതത്തിന്റെ ഏതാണ്ട് അവസാന കാലഘട്ടം വരെ അദ്ദേഹം ഒരു സംഗീത വിദ്യാർത്ഥി ആയിരുന്നു. മ്യൂസിക് ആൽബം അദ്ദേഹം ഇറക്കിയിട്ടുണ്ട്. അതിന്റെ ഗാന രചന നിർവഹിച്ചതും അദ്ദേഹം തന്നെയാണ്. അതോടൊപ്പം തന്നെ അദ്ദേഹം ഒരു ഗ്രന്ഥ രചയിതാവ് കൂടിയായിരുന്നു.

ഇന്ന് (2021 നവംബർ 4) രാവിലെ ഹൃദയാഘാതം മൂലമായിരുന്നു മരണം സംഭവിച്ചത്.


രാവിലെ 8 30 മുതൽ 10.30 വരെ കൊങ്ങോർപ്പിള്ളി സെന്റ്. ആന്റണീസ് പള്ളിയിലും പൊതുദർശനത്തിന് വെക്കുന്നതാണ്. തുടർന്ന് 10.30 ന് വരാപ്പുഴ അതിരൂപത മെത്രാപ്പോലീത്ത മോസ്റ്റ് റവ.ഡോ. ജോസഫ് കളത്തിപ്പറമ്പിൽ പിതാവിന്റെ മുഖ്യകാർമികത്വത്തിൽ കൊങ്ങോർപ്പിള്ളി സെന്റ് ആന്റണീസ് ദൈവാലയത്തിൽ മൃതസംസ്കാര ദിവ്യബലി അർപ്പിക്കപ്പെടുന്നു.

അലക്സ് അച്ചന്റെ ആത്മശാന്തിക്കായി നമുക്ക് പ്രാർത്ഥിക്കാം.

ഫ്രാൻസിസ് പാപ്പയുടെ ഭാരതസന്ദർശനം

ഫ്രാൻസിസ് പാപ്പയുടെ ഭാരതസന്ദർശനം സ്വാഗതാർഹം : ആർച്ച് ബിഷപ് കളത്തിപറമ്പിൽ

കൊച്ചി : പോപ്പ് ഫ്രാൻസിസിൻ്റെ ഭാരത സന്ദർശനവുമായി ബന്ധപ്പെട്ട് വാർത്ത തികച്ചും സ്വാഗതാർഹമാണ്. ആഗോള കത്തോലിക്കാ സഭയുടെ പരമാധ്യക്ഷൻ എന്ന നിലയിലും വത്തിക്കാൻ്റെ ഭരണാധികാരിയെന്ന നിലയിലും അദ്ദേഹം ലോകസമാധാനത്തിനും പ്രകൃതി സംരക്ഷണത്തിനും സാമൂഹിക ഐക്യത്തിനും വേണ്ടി നടത്തുന്ന പ്രവർത്തനങ്ങൾ മാതൃകാപരമാണ് അദ്ദേഹത്തെ ഭാരതത്തിലേക്ക് ക്ഷണിച്ച പ്രധാനമന്ത്രി ശ്രീ നരേന്ദ്രമോദിയുടെ പ്രസ്താവന ഭാരതത്തിലെ കത്തോലിക്കർക്ക് മാത്രമല്ല മുഴുവൻ ജനങ്ങൾക്കും സന്തോഷം ഉളവാക്കുന്ന കാര്യം ആയിരിക്കും. എത്രയും പെട്ടെന്ന് പോപ്പ് ഫ്രാൻസിസിൻ്റെ ഭാരത സന്ദർശനം യാഥാർത്ഥ്യം ആകട്ടെ എന്ന് പ്രാർത്ഥിക്കുന്നു.

വിശ്വാസത്തിന്റെ നേർസാക്ഷ്യമായി 2023 ലെ- മെത്രാന്മാരുടെ സിനഡിന്റെ അതിരൂപതാതല ഉദ്ഘാടനം വരാപ്പുഴ അതിരൂപതയിൽ നടത്തി

കൊച്ചി : 2023 ൽ റോമിൽ നടക്കുന്ന മെത്രാന്മാരുടെ 16-) മത് സാധാരണ സിനഡിന്റെ അതിരൂപതതല ഉദ്ഘാടനം എറണാകുളം സെന്റ്. ഫ്രാൻസിസ് അസീസി കത്തീഡ്രലിൽ വരാപ്പുഴ അതിരൂപത മെത്രാപ്പോലീത്ത ഡോ. ജോസഫ് കളത്തിപ്പറമ്പിൽ പിതാവ് നിർവഹിച്ചു.

കൂട്ടായ്മ, പങ്കാളിത്തം, പ്രേക്ഷിത ദൗത്യം എന്ന ശീർഷകത്തിൽ ആണ് പതിനാറാമത് മെത്രാന്മാരുടെ സിനഡ് ഫ്രാൻസിസ് പാപ്പാ ക്രമീകരിച്ചിരിക്കുന്നത്.

2021 ഒക്ടോബറിൽ ആരംഭിച്ച രൂപതാതലവും, 2022 സെപ്റ്റംബറിൽ ആരംഭിക്കുന്ന ഭൂഖണ്ഡ തലവും, 2023 ഒക്ടോബറിൽ വത്തിക്കാനിൽ നടക്കുന്ന ആഗോളതലവുമാണ് ഈ സിനഡിന്റെ മൂന്നു ഘട്ടങ്ങൾ. വരാപ്പുഴ അതിരൂപതയിൽ നടന്ന അതിരൂപതാതല ഉദ്ഘാടന ദിവ്യബലിയിൽ ആർച്ച്ബിഷപ്പ് ഡോ. ജോസഫ് കളത്തിപ്പറമ്പിൽ മുഖ്യ കാർമികത്വം വഹിച്ചു വൈദികരും സന്യസ്തരും അല്മായരും പങ്കുചേർന്നു ഫാ. ജോബ് വാഴകൂട്ടത്തിൽ, സിസ്റ്റർ ഷൈൻ ബ്രിജിറ്റ് സി. എസ്. എസ്. ടി. എന്നിവരാണ് വരാപ്പുഴ അതിരൂപതയിൽ സിനഡിന്റെ പ്രവർത്തനങ്ങൾ കോഡിനേറ്റ് ചെയ്യുന്നത്.

ജപമാലമാസാചരണം – സന്ദേശം

പരി. അമ്മയെക്കുറിച്ച് ധ്യാനിക്കുമ്പോള്‍ ജപമാല നമുക്ക് ഒരിക്കലും വിസ്മരിക്കാന്‍ കഴിയില്ല. കുടുംബങ്ങളുടെ ഐക്യത്തിനും വ്യക്തികളുടെ ജീവിതനവീകരണത്തിനും ജപമാല പ്രാര്‍ഥന ഒത്തിരി സഹായകമാണ്. സന്ധ്യാസമയത്ത് കുടുംബാംഗങ്ങള്‍ ഒരുമിച്ചിരുന്ന ജപമാല ചൊല്ലി പ്രാര്‍ഥിക്കുന്നത് എത്രയോ അനുഗ്രഹദായകമായ അനുഭവമാണ്. നമ്മുടെ അതിസമ്പന്നമായ ഒരു പാരമ്പര്യവുമാണത്. പരസ്പരം പ്രാര്‍ഥിക്കുവാനും അന്യോന്യം ശക്തിപ്പെടുത്തി വിശ്വാസത്തില്‍ ആഴപ്പെ’ു ജീവിക്കുവാനും ഐക്യത്തില്‍ വളരുവാനും കുടുംബാംഗങ്ങള്‍ ഒരുമിച്ചിരുന്ന ചൊല്ലു ജപമാല നമ്മെ സഹായിക്കും. എല്ലാ വര്‍ഷവും ഒക്‌ടോബര്‍ മാസത്തില്‍ വളരെ പ്രാധാന്യത്തോടുകൂടി നമ്മള്‍ ജപമാല അര്‍പ്പണം നടത്താറുണ്ട്. ഇത് യൗസേപ്പിതാവര്‍ഷവും കുടുംബവര്‍ഷവും ആണ്. ഈ വര്‍ഷവും തികഞ്ഞ ഭക്തിയോടെ പരിശുദ്ധ അമ്മയുടേയും വി. യൗസേപ്പിതാവിന്റെയും മാധ്യസ്ഥ്യം യാചിച്ചുകൊണ്ട് പ്രത്യേക നിയോഗങ്ങള്‍ സമര്‍പ്പിച്ച് ജപമാല ചൊല്ലി നമുക്ക് ജപമാലമാസം ആചരിക്കാം. കോവിഡ്-19ന്റെ പശ്ചാത്തലത്തില്‍ ഇടവകകളില്‍ എല്ലാവരും ഒത്തുചേ  ആഘോഷമായ ജപമാലയര്‍പ്പണം നടത്താന്‍ നമുക്കു സാധിക്കുകയില്ലെങ്കിലും അനുവദനീയമായ എണ്ണം ആളുകള്‍ക്ക് പങ്കെടുക്കാവു രീതിയില്‍ നമുക്ക് ജപമാലയര്‍പ്പണം ക്രമീകരിക്കാം. കൂടാതെ, ഇടവകകളില്‍ എല്ലാ ഭവനങ്ങളിലും ഒരേ സമയം ത െജപമാല ചൊല്ലി പ്രാര്‍ത്ഥിക്കുതിന് സഹായകമായ നിര്‍ദ്ദേശങ്ങള്‍ നല്‍കണമെും ബഹുമാനപ്പെ’ വികാരിയച്ചന്മാരെ ഞാന്‍ ഓര്‍മ്മിപ്പിക്കുന്ന. പരിശുദ്ധ ജപമാല രാജ്ഞി നമ്മെ എല്ലാവരേയും പ്രത്യേകം സംക്ഷിക്ക’െ എു ഞാന്‍ പ്രാര്‍ത്ഥിക്കുന്ന.
.
ജോസഫ് കളത്തിപ്പറമ്പില്‍ വരാപ്പുഴ അതിരൂപത മെത്രാപ്പോലീത്ത

ഫാ. മൈക്കിൾ തലക്കെട്ടി നിര്യാതനായി

കൊച്ചി : വരാപ്പുഴ അതിരൂപത വൈദീകനായ ഫാ. മൈക്കിൾ തലക്കെട്ടി നിര്യാതനായി.
ജനനം 1957 ഡിസംബർ 30,വരാപ്പുഴ. മാതാപിതാക്കൾ ജോർജ് & മേരി.
തിരുവനന്തപുരം ലത്തീൻ അതിരൂപതയിലെയും ഇന്നത്തെ കോട്ടപ്പുറം രൂപതയിലെയും ദേവാലയങ്ങളിൽ സേവനം ചെയ്ത ഇദ്ദേഹം 1998 ഫെബ്രുവരിയിൽ വരാപ്പുഴ അതിരൂപത വൈദീകനായി ഇൻകാർഡിനേഷൻ നടത്തി. നിസ്തുലമായ സേവനമാണ് വൈദീകൻ എന്ന നിലയിൽ അദ്ദേഹം നടത്തിയത്. വീടില്ലാത്തവർക്ക് വീട് നിർമിച്ചു നൽകുന്ന പദ്ധതിയിൽ സജീവമായി പങ്കാളിയായി. അപ്രകാരം 1000 ത്തിലധികം വീടുകൾആണ് പാവപ്പെട്ടവർക്കായി നിർമ്മിക്കപ്പെട്ടത്. വരാപ്പുഴ അതിരൂപതയിലെ മൂലമ്പിള്ളി, കർത്തേടം, അത്താണി, വെണ്ടുരുത്തി, ചളിക്കവട്ടം,എടത്തല, കുരിശിങ്കൽ, വല്ലാർപാടം എന്നീ ദേവാലയങ്ങളിൽ വികാരിയായി സേവനം ചെയ്തിട്ടുണ്ട്. കുറച്ചു നാളുകളായി അസുഖം മൂലം ആവിലാഭവനിൽ വിശ്രമജീവിതം നയിക്കുകയായിരുന്നു.

മികച്ച സംഘാടകനും, വളരെ മികച്ച കർത്തവ്യ ബോധത്തോടെ കാര്യങ്ങൾ ചെയ്തിരുന്ന അജപാലകനുമായ അദ്ദേഹത്തിന്റെ വിയോഗം വരാപ്പുഴ അതിരൂപതക്കും കേരള സഭക്കും തീരാ നഷ്ടമാണെന്ന് വരാപ്പുഴ അതിരൂപത ആർച്ച്ബിഷപ് ഡോ. ജോസഫ് കളത്തിപറമ്പിൽ അനുസ്മരിച്ചു.

പ്രതിസന്ധികളിൽ പരിശുദ്ധ അമ്മ ആശ്രിതർക്ക് അഭയം. ഡോ.ജോസഫ് കളത്തിപ്പറമ്പിൽ

100 ഹെൽപ് ഡെസ്കുകളുമായി ജനങ്ങളോടൊപ്പം ആർച്ച്ബിഷപ് കളത്തിപ്പറമ്പിൽ

കോവിഡിലും കാലവർഷക്കെടുതിയിലും ദുരിതമനുഭവിക്കുന്ന ജനങ്ങളെ സഹായിക്കാൻ വരാപ്പുഴ അതിരൂപതയുടെ 8 ഫൊറാനകളിലായീ 100 ഹെൽപ് ഡെസ്കുകൾ രൂപീകരിക്കപ്പെട്ടു. ഇനിയും 16 ഹെൽപ് ഡെസ്കുകൾ കൂടി ഉടനെ പ്രവർത്തന സജ്ജമാകും.

രോഗം മൂലവും കാലവർഷക്കെടുതിമൂലവും ദുരിതമനുഭവിക്കുന്ന ജനങ്ങൾക്ക് സാന്ത്വനമേകാൻ അതിരൂപതയിലെ ഇടവകകൾ കേന്ദ്രീകരിച്ചാണ് ഹെൽപ് ഡെസ്കിന്റെ പ്രവർത്തനങ്ങൾ സജ്ജമാക്കുന്നത്.

അതിരൂപതയിൽ ഹെൽപ് ഡെസ്കിന്റ പ്രവർത്തനങ്ങൾ ഏകോപിപ്പിക്കുന്നത് അതിരൂപതയുടെ സാമൂഹ്യസേവന വിഭാഗമായ ഇ എസ് എസ് എസ് ആണ്. അതിരൂപത ബി സി സി സംവിധാനവും വിവിധ സംഘടനകളും ഇതിന് വേണ്ട സഹായം നൽകുന്നു. കോവിഡ് പ്രോട്ടോകോളുകളും സർക്കാർ നിർദ്ദേശങ്ങളും ഈ ഹെൽപ് ഡെസ്ക് വഴി ജനങ്ങളിലേക്ക്‌ എത്തിക്കുന്നു.

കൂടാതെ ഹെല്പ് ഡെസ്കിലെ അംഗങ്ങൾക്ക് വിദഗ്ദരുടെ സഹായത്തോടെ ഓൺലൈനിൽ പ്രായോഗിക പരിശീലനവും നൽകുന്നു.

ചില ഇടവകകളിൽ സർക്കാരിന്റെ R. R. T. സംവിധാനങ്ങളോട് സഹകരിച്ചു കൊറന്റീനിൽ കഴിയുന്ന ആളുകൾക്ക് എല്ലാവർക്കും ഭക്ഷണം എത്തിക്കുന്ന കമ്മ്യൂണിറ്റി കിച്ചൻന്റെ പ്രവർത്തനങ്ങളും ആരംഭിച്ചു. ജാതിമത ഭേദമന്യ എല്ലാവരും ഇതിൽ പങ്കാളികളാകുന്നു.

വരാപ്പുഴ അതിരൂപത ആർച്ച്ബിഷപ് ഡോ. ജോസഫ് കളത്തിപ്പറമ്പിലിന്റെ പ്രേത്യക നിർദ്ദേശപ്രകാരം എറണാകുളം ലൂർദ്ധ് ആശുപത്രി കോവിഡ് രോഗികൾക്ക് വേണ്ടി സൗജന്യമായി ഹോം കെയർ സർവീസും ആരംഭിച്ചിരിക്കുന്നു. അതിലൂടെ രോഗികൾക്കുവേണ്ട അത്യാവശ്യ മരുന്നുകളും സൗജന്യമായി നൽകുന്നു. ഭക്ഷണവും മരുന്നും ഇല്ലാതെ ആരും വിഷമിക്കരുത് എന്ന് ആർച്ച്ബിഷപ് ഇതിന്റെ സംഘാടകർക്ക്‌ നിർദേശം നൽകി. ഓരോ ഇടവകകളും ആ പ്രദേശത്തുള്ള മുഴുവൻ ജനങ്ങൾക്കും ആശ്വാസ കേന്ദ്രങ്ങളായി മാറണം.

24 മണിക്കൂറും പ്രവർത്തന സജ്ജമായി അതിരൂപതയുടെ ‘ആശ്വാസ്‌’ കൗൺസിലിങ് സെൻററും സൗജന്യ ടെലിഫോൺ കൗൺസലിംഗ് ജാതിമത ഭേദമന്യ രോഗത്താൽ മാനസീക ബുദ്ധിമുട്ടു അനുഭവിക്കുന്നവർക്ക് നൽകുന്നു. കൂടാതെ കുട്ടികളുടെ മാനസീക സമ്മർദ്ദം കുറക്കുന്നതിന് അതിരൂപത മതബോധന വിഭാഗത്തിന്റെ കീഴിൽ കുട്ടികൾക്ക് വേണ്ടി പ്രത്യക കൗൺസലിംഗ് സംവിധാനവും ആരംഭിച്ചു.

അതിരൂപതയുടെ സാമൂഹിക സേവന വിഭാഗമായ ഇ എസ് എസ് എസ് ഇതിനോടകം കോവിഡ് പ്രതിരോധ കിറ്റുകളുടെ വിതരണവുമായി മുന്നോട്ടു പോവുകയാണ്. വൈപ്പിന്കരയിലെ കടൽകയറ്റ ഭീഷണി ഉള്ള നൂറുകണക്കിന് കുടുംബങ്ങൾക്കു ഉള്ള ഭക്ഷണ സാധനങ്ങൾ ഇ എസ് എസ് എസ് ന്റെ നേതൃത്വത്തിൽ തയ്യാറാക്കാനുള്ള നടപടികൾ പുരോഗമിക്കുന്നു. അതിരൂപതയിൽ കോവിഡ് പ്രതിരോധ പ്രവർത്തനങ്ങൾക്കു ആവശ്യമായ കോ ഓർഡിനേഷൻ നടത്തുന്നത് ഇ എസ് എസ് എസ് തന്നെയാണ്‌. താല്പര്യമുള്ളവർ ഈ പ്രവർത്തനങ്ങളെ സാമ്പത്തികമായി സഹായിക്കാൻ മുന്നോട്ടു വരണമെന്ന് അതിന്റെ ഭാരവാഹികൾ അറിയിച്ചു.

കോവിഡിന്റെ ഒന്നാം തരംഗത്തിൽ നിരവധി ആയ പ്രവർത്തനങ്ങൾ വരാപ്പുഴ അതിരൂപത നടത്തിയിരുന്നു. കൂടാതെ സർക്കാരിന്റെ നിർദ്ദേശം ഏറ്റെടുത്തു സുഭിക്ഷ കേരളം സുരക്ഷ പദ്ധതി അതിരൂപതയിൽ നടപ്പാക്കുകയും ചെയ്തു.

എല്ലാ ദേവാലയങ്ങളിലും സന്യാസ ഭവനങ്ങളിലും വൈദീകരും സന്യസ്തരും ആരാധനയും പ്രാർത്ഥനകളും വ്യക്തിപരമായി നടത്തുകയും അത് സമൂഹ മാധ്യമങ്ങളിലൂടെ ജനങ്ങൾക്കു ലഭ്യമാക്കുകയും ചെയ്യുന്നു.

കൂടാതെ അടിയന്തിര ആത്മീയ ശുശ്രുഷക്ക് ഓരോ ഫൊറോനയിലും യുവാക്കളായ വൈദീകർ സജ്ജരായിട്ടുണ്ട്. അങ്ങനെ പ്രാർത്ഥന കൊണ്ടും പ്രവർത്തനങ്ങൾ കൊണ്ടും ഈ ദുരിതകാലത്തു ജനങ്ങളെ ചേർത്തുപിടിക്കുകയാണ് വരാപ്പുഴ അതിരൂപത .

സർക്കാരിന്റെ കോവിഡ് പ്രോട്ടോകോൾ പാലിച്ചു കൊണ്ടാണ് എല്ലാ പ്രവർത്തനങ്ങളും മുന്നോട്ടു പോകുന്നത്.

കർമ്മം കൊണ്ട് എല്ലാവർക്കും അമ്മയായി മാറിയ സിസ്റ്റർ മേരി ട്രീസ C.T.C യാത്രയായി

വരാപ്പുഴ അതിരൂപതയിൽ വർഷങ്ങളോളം സന്യാസിനി സമർപ്പണത്തിന്റെ ആൾരൂപമായി ജീവിച്ച സിസ്റ്റർ മേരി ട്രീസ കോവിഡ് മൂലം മരണമടഞ്ഞു. മെയ് 1 ന്‌ മരണമടഞ്ഞ സിസ്റ്ററിന്റെ മൃതസംസ്കാര കർമം കോവിഡ് പ്രോട്ടോക്കോൾ അനുസരിച്ചു നടത്തപ്പെട്ടു.

വരാപ്പുഴ അതിരൂപതക്കും സി .ടി .സി. സന്യാസിനി സമൂഹത്തിനും ഉണ്ടായ നികത്താനാവാത്ത നഷ്‌ടമാണ്‌ സിസ്റ്ററിന്റെ വിയോഗമെന്ന് വരാപ്പുഴ അതിരൂപത മെത്രാപോലിത്ത ഡോ. ജോസഫ്‌ കളത്തിപ്പറമ്പിൽ അനുസ്മരിച്ചു. അതിരൂപത ലിറ്റർജിക്കൽ കമ്മീഷൻ ജോയിന്റ് സെക്രട്ടറി ആയി നിലവിൽ പ്രവർത്തിക്കുകയായിരുന്നു സിസ്റ്റർ.

1959 ൽ ചന്തിരൂരിൽ ചല്ലിത്തറ കുടുംബത്തിലാണ് സിസ്റ്ററുടെ ജനനം.1979 ഓഗസ്റ്റ് 22 നു കർമലീത്താ സഭാംഗമായി പ്രഥമ വൃതവാഗ്‌ദാനം നടത്തി. അന്നുമുതൽ ഇന്ന് വരെ കേരളത്തിനകത്തും പുറത്തും ഏകദേശം 16 വ്യത്യസ്ത ജോലികൾക്കായി നിയോഗിക്കപ്പെട്ടു. ഇതിൽ തന്നെ കൂടുതൽ വർഷങ്ങളും സിസ്റ്റർ ചെലവഴിച്ചത് സോഷ്യൽ സർവീസ് സംബന്ധമായ പ്രവർത്തനങ്ങളിലാണ്.

സി. ടി. സി സഭാംഗങ്ങൾ നടത്തിയിരുന്ന ടൈലറിങ് യൂണിറ്റിന്റെ പ്രവർത്തനങ്ങൾക്കു വർഷങ്ങളോളം സിസ്റ്റർ അക്ഷീണമായ നേതൃത്വം നൽകി. അതുമൂലം നിർധനരായ നിരവധി യുവതികൾക്ക് അത് ജീവനോപാധിയായി മാറി. പ്രത്യകിച്ചു പാവപ്പെട്ട പെൺകുട്ടികളുടെ വിവാഹങ്ങൾക്ക് ധനസഹായം നൽകാൻ സിസ്റ്റർ പല സുമനസുകളുടെയും മുൻപിൽ കൈ നീട്ടുമായിരുന്നു. പള്ളികളിൽ അൾത്താര ഒരുക്കാനും, പലവിധത്തിൽ തകർന്നുപോയ മനുഷ്യരെ കൈപിടിച്ച് ദൈവത്തിലേക്ക് കൊണ്ടുവരാനും സിസ്റ്റർ തന്റെ എളിയ ജീവിതം വലിയ ത്യാഗത്തോടെ മാറ്റിവെച്ചു. ഒപ്പം കേരളത്തിനകത്തും പുറത്തും പള്ളികളിലെ അൾത്താരയിൽ ഉപയോഗിക്കുന്ന വിശുദ്ധ വസ്ത്രങ്ങൾക്ക് സിസ്റ്റർ തന്റേതായ നിറപ്പകിട്ടു നൽകി. വരാപ്പുഴ അതിരൂപതയിലെ ആരാധനക്രമ സംബന്ധമായ ഏതു പൊതുപരിപാടികൾക്കും സിസ്റ്ററിന്റെ സാന്നിധ്യം ഒരു അവിഭാജ്യ ഘടകമായിരുന്നു.

നന്ദി നിറഞ്ഞ ഹൃദയത്തോടെ നിത്യശാന്തി നേരുന്നു….